དྲ་རྒྱ་བཟོ་བཀོད་པ་བསོད་ནམས་འོད་ཟེར།
Tuesday 8 November 2011
04:37 | 
Posted by
གངྒའི་ཆུ་རྒྱུན། |
རྣམ་དབྱེ་དྲུག་པ་འབྲེལ་སྒྲ།
ཀྱི་གི་གྱི་འི་དང་ཚིགས་བཅད་ཀྱི་རྐང་པ་སྐོང་ཚེ་ཡི་ཡང་ཐོབ་པས། ཀྱི་གི་གྱི་འི་ཡི་ལྔ་པོ་འབྲེལ་སྒྲ་ལ་འཇུག་སྟེ། རྣམ་དབྱེ་སྦྱར་སའི་ཁྱད་གཞི་དེ་ལ། ཁྱད་ཆོས་གང་ཡང་རུང་བ་ཞིག་ལྡན་པའམ་དེ་དང་འབྲེལ་བ་སྟོན་པས་ན་འབྲེལ་སྒྲ་ཟེར། དཔེར་ན། བདག་གི་མིག་ཅེས་བརྗོད་ཚེ། བདག་ཁྱད་གཞི་དང་། དེ་ལ་རྣམ་དབྱེ་སྦྱར་ནས་མིག་ཅེས་བརྗོད་པ་ན། མིག་དེ་ཉིད་བདག་དང་འབྲེལ་བའམ་བདག་གི་ཡིན་པ་གོ་བ་བཞིན་ནོ། །རྣམ་དབྱེ་གི་མེད་ན། བདག་མིག་ཅེས་བདག་དང་མིག་གཉིས་སོ་སོར་གོ་བ་ཙམ་ལས་ཡན་ལག་ཅན་དང་ཡན་ལག་གི་ཚུལ་དུ་འབྲེལ་བ་གོ་མི་ནུས་སོ། །
04:34 |
Posted by
གངྒའི་ཆུ་རྒྱུན། |
རྣམ་དབྱེ་དང་ཚིག་ཕྲད་ཀྱི་ཁྱད་པར།
རྣམ་དབྱེའང་ཚིག་ཕྲད་ཡིན་མོད། ཚིག་ཕྲད་ལས་ལོགས་སུ་བཀར་དོན་ནི། དེ་གཉིས་ཀྱི་ནུས་པ་མི་གཅིག རྣམ་དབྱེ་ནི་གཙོ་ཆེར་བདག་གཞན་ཆོས་གཉིས་རྣམ་པར་དབྱེ་བའི་སྒྲ་སྟེ། ཆོས་གཉིས་གནད་དུ་བཟུང་ནས་ཚིག་ཏུ་བསྒྲུབ་པ་ལ། སོ་སོའི་རྣམ་པ་མ་འདྲེས་པར་ཕྱེ་ཞིང་། གཙོ་ཆེར་བྱ་བའི་ཡུལ་ལམ། བྱེད་པའམ། དགོས་པའམ། འབྱུང་ཁུངས་སམ། འབྲེལ་བའམ། རྟེན་གཞི་སོགས་དོན་ངེས་ཅན་ཞིག་གསལ་བར་བྱེད་པའི་སྒྲ་ཡིན་ལ། སྒྲ་དེ་ཚིག་སྦྱོར་དུ་མ་བཅུག་ན། ཆོས་གཉིས་ཀྱི་ངོ་བོ་གཅིག་ཏུ་འདྲེས་ནས་དོན་ཁོ་ཐག་ཅིག་སྟོན་མི་སྲིད་པས། ཚིག་སྦྱོར་དུ་མེད་དུ་མི་རུང་བ་ཞིག་ཡིན་ཏེ། དཔེར་བརྗོད་ན། སློབ་ཁང་དུ་འགྲོ། ཞེས་པར། ལའི་དོན་ཅན་གྱི་དུ་སྒྲ་མ་སྦྱར་ན། བྱ་བའི་ཡུལ་སློབ་ཁང་། བྱ་བ་འགྲོ་བ་གཉིས་རྣམ་པར་མ་ཕྱེད་པས། འགྲོ་སའི་ཡུལ་དང་། འགྲོ་བའི་བྱ་བ་གཉིས་ངོ་བོ་གཅིག་པར་གྱུར་ནས། སློབ་ཁང་རང་འགྲོ་བའི་དོན་ཅན་དུ་འཁྲུལ་བར་གྱུར་འགྲོའོ། །
Tuesday 23 August 2011
22:00 |
Posted by
གངྒའི་ཆུ་རྒྱུན། |
རྟགས་ཀྱི་འཇུག་པའི་དགོངས་འགྲེལ་རབ་གསལ་སྣང་བ་ཞེས་བྱ་བ་བཞུགས་སོ། །
པད་དཀར་ལྟར་བསྔགས་རྣམ་འདྲེན་ཤཱཀྱའི་ཏོག །
རྒྱལ་ཀུན་མཁྱེན་པའི་རང་གཟུགས་འཇམ་དཔལ་དབྱངས། །
གངས་ཅན་འགྲོ་བའི་མིག་གཅིག་སམྦྷོ་ཊ། །
འཇམ་མགོན་རྒྱལ་བ་གཉིས་པ་རྣམས་ལ་འདུད། །
འདིར་བརྡ་སྤྲོད་པའི་བསྟན་བཅོས་རྟགས་ཀྱི་འཇུག་པའི་དོན་མདོར་བསྡུས་ཏེ་འཆད་པ་ལ། རྟགས་ཀྱི་འཇུག་པ་ཞེས་པ་ནི། ཡི་གེ་ཕོ་མོ་མ་ནིང་གི་རྟགས་ཀྱི་འཇུག་ཚུལ་རྒྱས་པར་སྟོན་པས་ན་བརྗོད་བྱའི་སྒོ་ནས་བཏགས་པ་སྟེ། སྤྱི་སྡོམ་ནི། སྤྱིར་ཡི་གེ་ལ་ཕོ་མོ་གཉིས་སུ་དབྱེ་བ་དང་། བྱེ་བྲག་མིང་གཞིའི་ཡི་གེ་ལ་ནང་གསེས་ཀྱི་ཕོ་མོ་མ་ནིང་གི་རྟགས་ཀྱི་དབྱེ་བ་བཤད་པ། སྔོན་འཇུག་གི་ཕོ་མོ་མ་ནིང་གི་འཇུག་པ་བཤད་པ། རྗེས་འཇུག་གི་ཕོ་མོ་མ་ནིང་གི་འཇུག་པ་བཤད་པ་སྟེ་བཞི་པོ་དེར་འདུས་སོ། །དབྱེ་ཚུལ་དང་པོ་གཉིས་འཆད་པ་ལ།
ཕོ་ཡི་ཡི་གེ་འབའ་ཞིག་ལ། །ཞེས་པ་ནས།
མ་ནིང་མཚན་མེད་ཅེས་ཀྱང་བྱ།[1] །ཞེས་པའི་བར་ཚིགས་བཅད་ཕྱེད་དང་བཞི་གསུངས། དེ་ཡང་ཚིགས་རྐང་དང་པོ་གཉིས་ཀྱིས་གསལ་བྱེད་སུམ་ཅུ་ཕོ་ཡིག་ཏུ་དངོས་སུ་བསྟན་པའི་ཤུགས་ལ། དབྱངས་ཡིག་བཞི་མོ་ཡིག་ཏུ་གྲུབ་བོ། །གསལ་བྱེད་རྣམས་བརྗོད་པའི་རླུང་ཤུགས་གསལ་ཞིང་གྲིམ་པས་ཕོ་ཡིག་དང་། དབྱངས་ཡིག་བཞི་བརྗོད་པའི་རླུང་ཤུགས་མི་གསལ་ཞིང་ལྷོད་པས་སྤྱིར་མོ་ཡིག་ཏུ་གསུངས་སོ། །དེ་ནས་མིང་གཞི་གསལ་བྱེད་སུམ་ཅུ་པོ་ལ་ནང་གསེས་ཀྱི་སྡེ་ཚན་ལྔར་དབྱེ་སྟེ། ཕོ་དང་། མ་ནིང་དང་། མོ་དང་། ཤིན་ཏུ་མོ་དང་། མོ་གཤམ་མམ་མ་ནིང་མཚན་མེད་དོ། །དེ་ཡང་འཇིག་རྟེན་ན་ཕོ་སྐད་ཀྱི་གདངས་གྲིམ་ཞིང་དྲག་པ་དང་། མོ་སྐད་ཀྱི་གདངས་ལྷོད་ཅིང་ཞན་པ་དང་། མ་ནིང་གྲིམ་ལྷོད་རན་པ་སོགས་ཀྱི་དཔེ་བཞིན། གསལ་བྱེད་ཀྱི་ཡི་གེ་རྣམས་མིང་གཞིར་སོང་བའི་ཚེ། རྗོད་པའི་རླུང་ཤུགས་གྲིམ་ཞིང་དྲག་པ་ཕོ་ཡིག་དང་། གྲིམ་ལྷོད་རན་པ་མ་ནིང་དང་། ཅུང་ཟད་ལྷོད་པ་མོ་དང་། དེ་ལས་ཀྱང་ལྷོད་པ་ཤིན་ཏུ་མོ་དང་། ཤིན་ཏུ་ལྷོད་ཅིང་ཞན་པ་མོ་གཤམ་གྱི་ཡི་གེར་བཞག་པ་ཡིན་ནོ། །དེས་ན་པ་སྡེ་ཡན་ཆད་སྡེ་པ་བཞིའི་དང་པོ་ཀ་ཅ་ཏ་པ་བཞི་ཕོ་དང་། ཁ་ཆ་ཐ་ཕ་བཞི་མ་ནིང་། ག་ཇ་ད་བ་མོ། ང་ཉ་ན་མ་བཞི་ཤིན་ཏུ་མོ་ཡིན་ལ། དེ་ནས་ལྷག་མ་བཅུ་བཞིའི་ཙ་ཚ་ཛ་གསུམ་ཅ་ཆ་ཇ་དང་སྦྱར་ཏེ་རིམ་པར་ཕོ་མ་ནིང་མོ་དང་། ཝ་ནི་བ་དང་འདྲ་བར་མོ་ཡིག་ཏུ་ཤེས་པར་བྱའོ། །ཞ་ཟ་འ་ཡ་ཤ་ས་དྲུག་ནི་མོ་ཡིག་དང་། ར་ལ་ཧ་གསུམ་མོ་གཤམ་སྟེ། མིང་གཞན་མ་ནིང་མཚན་མེད་ཅེས་ཀྱང་བྱའོ། །ཨ་ཡིག་ནི་མིང་གཞིའི་ཕོ་མོ་མ་ནིང་གང་དུའང་མི་གཏོགས་[2]ཏེ། ལོ་ཆེན་ནམ་མཁའ་བཟང་པོས། ཨ་ཡིག་རྟགས་མེད་པའོ། །ཞེས་དང་། དག་ཡིག་ཟ་མ་ཏོག་ལས། སུམ་ཅུ་པ་ནི་ཕྱོགས་ལྷུང་མེད། །ཅེས་གསུངས་སོ། །དེ་དག་གི་སྡོམ་ནི། སྤྱིར་བཏང་གསལ་བྱེད་སུམ་ཅུ་ཕོ། །དབྱངས་བཞི་མོ་དང་མིང་གཞི་ལའང་། །ཀ་ཅ་ཏ་པ་ཙ་ལྔ་ཕོ། །ཁ་ཆ་ཐ་ཕ་ཚ་མ་ནིང་། །ག་ཇ་ད་བ་ཛ་དང་ཝ། །ཞ་ཟ་འ་ཡ་ཤ་ས་སྟེ། །མོ་ཡི་ཡི་གེ་བཅུ་གཉིས་ཡིན། །ང་ཉ་ན་མ་ཤིན་ཏུ་མོ། །ར་ལ་ཧ་གསུམ་མོ་གཤམ་སྟེ། །མིང་གཞན་མ་ནིང་མཚན་མེད་ཟེར། །ཨ་ཡིག་འདིར་ནི་རྟགས་མེད་ཡིན། །ཞེས་སོ། །
Sunday 10 April 2011
01:23 |
Posted by
གངྒའི་ཆུ་རྒྱུན། |
དཔལ་དོན་གྲུབ་རྒྱལ།
ཚེ་རིང་གི་སྐད་ཆ།
ངས་ཡིད་སྐྱོ་ཞིང་སེམས་སྡུག་པའི་གནས་ཚུལ་དེ་སེམས་ལ་དྲན་ཐེངས་རེར་དཔྲལ་བའི་མིག་གཉིས་ལས་མཆི་མའི་རྒྱུན་ནི་དབང་མེད་དུ་བཞུར་འོངས་ཏེ། གངས་དཀར་སེམས་ཀྱི་གཏིང་ལ་སྡུག་བསྔལ་གྱི་རྒྱ་མཚོ་ཆེན་པོ་ཞིག་འཁྱིལ་ཞིང་། བསམ་པའི་བརྩེ་དུངས་ཀྱི་རླུང་གི་རྒྱུ་ཕྱོགས་དང་བསྟུན་ནས་བཟོད་གླགས་མེད་པའི་རླབས་ཕྲེང་གི་ཟེགས་མ་མཁའ་ལ་འཐོར་གྱིན་འདུག མི་ལོ་ཉེར་བཞིའི་རིང་གི་འཇིག་རྟེན་གྱི་འཚོ་བ་ནི་སྐྱིད་སྡུག་འདྲེས་མའི་རྣམ་ཐར་ཞིག་རེད་ཨང་།
01:19 |
Posted by
གངྒའི་ཆུ་རྒྱུན། |
རྩོམ་རིག་སྤྱི་དང་བྱེ་བྲག་བོད་ཀྱི་རྩོམ་རིག་གི་སྐོར།
སྐྱབས་རྗེ་ཟམ་གདོང་བློ་བཟང་བསྟན་འཛིན།
རྩོམ་རིག་སྤྱི་དང་ཁྱད་པར་བོད་ཀྱི་རྩོམ་རིག་གི་སྐོར་ལ་ཤོད་དགོས་ཞེས་སྔ་མོ་ནས་ང་ལ་རྗོད་མཁན་མང་པོ་བྱུང་ཡང་། ངས་དེ་ཕྱིར་འགྱངས་ཤ་སྟག་བྱས་ནས་ད་བར་བཤད་མེད། དེའི་རྒྱུ་མཚན་ནི་འཆད་པ་པོ་དང་ཉན་པ་པོ་གཉིས་ཀར་མཚན་ཉིད་ཚང་དཀའ་བ་ཡིན། རྩོམ་རིག་གི་སྐོརལ་བཤད་རྒྱུ་དེ་སློབ་ཚན་གཞན་ལྟར་ནག་པོ་འབྲུ་བཤེར་བྱས་ནས་བཤད་རྒྱུ་ཡོད་པ་ཞིག་མིན་པར་ཤོད་མཁན་དེ་རང་བཞིན་གྱིས་རྩོམ་ལ་སྤོབས་པ་ཡོད་པ་ཞིག་དང་། ཉན་མཁན་དེ་ཡང་རྩོམ་རིག་ལ་ཕྲན་བུ་གོ་རྟོགས་དང་མྱོང་བ་ཡོད་པ་ཙམ་མིན་པར་རང་ཉིད་ལ་རྩོམ་གྱི་སྤོབས་པ་ཡོད་མཁན་ཞིག་ཡིན་དགོས་པ་ལས་ཨང་རྩིས་དང་ས་ལམ་རྣམ་བཞག་བཤད་པ་ལྟར་རྩོམ་རིག་གི་ཐོག་ལ་བཤད་རྒྱུ་ཡོད་པ་ཞིག་མ་ཡིན།
01:15 |
Posted by
གངྒའི་ཆུ་རྒྱུན། |
བསྟན་བྱ་དུས་གསུམ་སྤྱི་བྲེ་བྲག་ཐོར་བུ་ཁྱབ་མཉམ་ཆ་འདྲ་ལྔའམ་དུས་གསུམ་ལྔ་བསྟན་པ།
འགོས་པདྨ་རྒྱལ་མཚན།
དུས་གསུམ་སྤྱི་བྲེ་བྲག་ཐོར་བུ་ཁྱབ་མཉམ་ཆ་འདྲ་ལྔ་པོ་རྟགས་འཇུག་གི་སྔོན་འཇུག་གི་ཅི་ཕྱིར་འཇུག་པའི་གཞུང་གི་དངོས་བསྟན་དང་ཤུགས་བསྟན་བཅས་གཉིས་སུ་འདུས། དང་པོ་ནི་དུས་གསུམ་སྤྱི་བྱེ་བྲག་ཐོར་བུ་གསུམ་ལས་མེད་ཅིང་། དེ་ལས་ཀྱང་སྤྱི་དང་བྱེ་བྲག་གཉིས་དངོས་བསྟན་དང་། ཐོར་བུ་ཤུགས་བསྟན་དུ་འདོད་པ་ཡིན་པ། དེ་ནས་ཁྱབ་མཉམ་བྱུང་ནས་སྤྱི་བྱེ་བྲག་ཐོར་བུ་ཁྱབ་མཉམ་བཞི་བྱུང་ནས་བཞི་ཀ་རྟགས་འཇུག་རྩ་བའི་དངོས་བསྟན་དུ་འདོད། དེ་ནས་ཆ་འདྲ་བསྣན་ནས་ལྔ་བྱུང་སྟེ། ཆ་འདྲ་འགའ་ཞིག་དངོས་བསྟན་དང་འགའ་ཞིག་ཤུགས་བསྟན་དུ་འདོད་པ་དང་། དེ་བཞིན་ཁྱབ་མཉམ་གྱི་ཡང་ཤིན་ཏུ་མོ་མ་ཡིག་དངོས་བསྟན་དང་། སྔོན་འཇུག་གཞན་ཁྱབ་མཉམ་ལ་འཇུག་པ་ཤུགས་བསྟན་དུ་འདོད་པ་ཡིན་ནོ། །
01:11 |
Posted by
གངྒའི་ཆུ་རྒྱུན། |
འཇུ་མི་ཕམ་པའི་ས་མཐའི་རྣམ་དབྱེ།
འཇུ་མི་ཕམ་པ་རྣམ་རྒྱལ་རྒྱ་མཚོ།
འཇམ་དཔལ་དབྱངས་དང་དབྱངས་ཅན་ངག་གི་ལྷར། །
བཏུད་ནས་ས་མཐའི་སྦྱོར་ཚུལ་མདོ་ཙམ་བརྗོད། །
ན་ར་ལ་གསུམ་རྗེས་སུ་ད་དྲག་དང་། །
དེ་ལྷག་ད་འ་ས་གསུམ་མ་གཏོགས་པའི། །
ག་ང་བ་མ་བཞི་ཡི་རྗེས་རྣམས་ལ། །
མི་ནོར་ཕྱིར་དུ་ས་མཐའ་འདི་ལྟར་མཛད། །
00:33 |
Posted by
གངྒའི་ཆུ་རྒྱུན། |
སུམ་ཅུ་པའི་རྣམ་བཤད་ཀུན་བཟང་དགོངས་རྒྱན།༤
(མཇུག་གི་དོན་ལྔ་དང་མཇུག་བྱང་།)
གསུམ་པ་མཇུག་གི་དོན་ལ། རྗེས་འཇུག་གི་སྦྱོར་བ་ལ་བསླབ་དགོས་པའི་རྒྱུ་མཚན་བསྟན་པ་དང༌། དེ་ལྟར་མཁས་པར་བསླབས་ནས་ཇི་ལྟར་བྱ་བ་དང༌། མཁས་པར་བྱ་བའི་ཐབས་བསྟན་པ་དང༌། སླར་ཡང་དོན་བསྡུས་ཏེ་གདམས་པ་དང༌། གཞུང་འདི་ཉིད་འདོམས་པ་དང་མི་འདོམས་པའི་ཡུལ་ངོས་བཟུང་བ་དང་ལྔའོ། །དང་པོ་རྗེས་འཇུག་གི་སྦྱོར་བ་ལ་བསླབ་དགོས་པའི་རྒྱུ་མཚན་བསྟན་པནི། རྗེས་འཇུག་གི་སྦྱོར་བ་ལ་མཁས་པར་བསླབ་དགོས་ཏེ། ལུང་གིས་དོན་སྟོན་པ་ལ་རྗེས་འཇུག་གི་སྦྱོར་བ་མེད་དུ་མི་རུང་ཞིང༌། དེ་ཤེས་པ་ལ་དགོས་པ་ཁྱད་པར་ཅན་ཡོད་པའི་ཕྱིར་རོ། །དེ་ལ་རྒྱུ་མཚན་དེ་ལྟར་མེད་དུ་མི་རུང་བ་ཇི་ལྟར་ཡིན་ཞེ་ན། དེ་སྟོན་པའི་ཕྱིར།
00:29 |
Posted by
གངྒའི་ཆུ་རྒྱུན། |
སུམ་ཅུ་པའི་རྣམ་བཤད་ཀུན་བཟང་དགོངས་རྒྱན།༣
(ཕྲད་རང་དབང་ཅན་དྲུགདང་ཚིགས་བཅད་དགྲོལ་བའི་མན་ངག)
གཉིས་པ་ཚིག་ཕྲད་རྐྱང་པ་འཆད་པ་ལ་ཡང༌། དགར་བརྣན་གྱི་སྒྲ་བཤད་པ། འབྱེད་སྡུད་སོགས་བསྟན་པ། སྤྱི་སྒྲ་བཤད་པ། བདག་པོའི་སྒྲ་བཤད་པ། དགག་པའི་སྒྲ་བཤད་པ། ཐ་སྙད་སོགས་ཀྱི་དོན་ལ་འཇུག་པའི་ཚིག་ཕྲད་བཤད་པ་དང་དྲུག་གོ །
00:07 |
Posted by
གངྒའི་ཆུ་རྒྱུན། |
རྒྱལ་རབས་ལོ་རྒྱུས།
སུམ་ཅུ་པའི་རྣམ་བཤད་ཀུན་བཟང་དགོངས་རྒྱན།
པྲ་ཏི་དགེ་བཤེས་རིན་ཆེན་དོན་གྲུབ།
༄༅། །ཨོཾ་སྭ་སྟི་སིདྡྷཾ། བླ་མ་དང་སྨྲ་བའི་དབང་ཕྱུག་ལ་ཕྱག་འཚལ་ལོ། །
ཆོས་ཀུན་སྒྲིབ་བྲལ་ཡེ་ཤེས་རང་བཞིན་སྲིད་ཞིའི་གདུང་སེལ་མཁྱེན་པ་སྤྲིན་གྱི་ཕྲེང་ཚོགས་རྒྱ་ཆེན་ལྡན། །
ཟབ་དང་རྒྱ་ཆེའི་ལམ་གྱི་རང་བཞིན་འགྲོ་ལ་ཉེར་མཚོན་རྣམ་ཀུན་གསུང་གི་འབྲུག་སྒྲ་ཟབ་མོ་ཅན། །
ཕ་མཐའ་བྲལ་བའི་སྙིང་རྗེའི་རླུང་ཤུགས་དྲག་པོས་བསྐྱོད་པའི་ཕན་བདེ་ཟད་པ་མེད་པའི་ཆར་རྒྱུན་གྱིས། །
མཐའ་དག་འགྲོ་བའི་ཀུན་བཟོད་རབ་བརླན་མ་ལུས་ལེགས་པའི་མྱུ་གུ་སྤེལ་མཛད་བཅོམ་ལྡན་ཤཱཀྱའི་གཙོ་དེར་འདུད། །
Saturday 12 March 2011
23:27 |
Posted by
གངྒའི་ཆུ་རྒྱུན། |
ཏུན་ཧོང་གཏེར་ཡིག།
བོད་ཀྱི་བཙན་པོ་རིམ་བྱུང་གི་ལོ་རྒྱུས།
བཙན་པོ་རིམ་བྱུང་གི་ལོ་རྒྱུས་ཞེས་པ་འདི་ནི་སྟོང་སྐུའི་བྲག་ཕུག་ནས་ཐོན་པ་ཞིག་ཡིན་ཞིང་། ཡི་གེ་རྣམས་ཀྱང་བརྡ་རྙིང་ཤ་སྟག་ཡིན་པས་གོ་དཀའ་བ་ཞིག་ཏུ་སྣང་བ་ལས་དེའི་ལོ་རྒྱུས་ཀྱི་དཔྱད་གཞིའི་ཡིག་ཆའི་རིན་ཐང་ཞིག་མངོན་བཞིན་ཡོད་ཙ་ན། བོད་ཀྱི་རིག་གནས་ལོ་རྒྱུས་ལ་བརྟག་ཅིང་དཔྱོད་པར་འདོད་པ་རྣམས་ལ་ཉེ་བར་མཁོ་བ་ཞིག་ཡིན་སྙམ་དུ་སེམས་ཏེ་འདིར་ཁ་ཚང་བཀོད་པ་ལགས་སོ། །
20:23 |
Posted by
གངྒའི་ཆུ་རྒྱུན། |
གཉིས་པ་རྟགས་ཀྱི་འཇུག་པ་བཤད་པ་ལ་གསུམ། མིང་གཞིའི་ཡི་གེ་སྤྱིའི་རྟགས་ཀྱི་དབྱེ་བ་བཤད་པ། སྔོན་འཇུག་གི་རྟགས་ཀྱི་འཇུག་པ་བཤད་པ། རྗེས་འཇུག་གི་རྟགས་ཀྱི་འཇུག་པ་བཤད་པའོ། །དང་པོ་ནི།
ཕོ་ཡི་ཡི་གེ་འབའ་ཞིག་ལ། །སྡེ་པ་ཕྱེད་དང་བརྒྱད་གནས་པའང་། །
སྡེ་ཚན་ལྔ་རུ་དྲིལ་བྱས་ནས། །ཕོ་དང་མ་ནིང་མོ་དང་ནི། །
19:14 |
Posted by
གངྒའི་ཆུ་རྒྱུན། |
༄༅། །ཡུལ་གངས་ཅན་གྱི་སྐད་ཀྱིས་བརྡ་སྤྲོད་པའི་བསྟན་བཅོས་སུམ་ཅུ་པ་དང་། རྟགས་ཀྱི་འཇུག་པའི་རྣམ་བཤད་མཁས་མཆོག་སི་ཏུའི་ཞལ་ལུང་ཞེས་བྱ་བ་བཞུགས་སོ། །
༄༅། །ན་མོ་གུ་རུ་མཉྫུ་གྷོ་ཥཱ་ཡ། །ཡོན་ཏན་མཆོག་མངའ་སླུ་མེད་རིན་ཆེན་གསུམ། །ཡེ་ཤེས་མེ་ལོང་གཙུག་ན་ཟླ་བ་དང་། །རྟ་དབྱངས་བཙུན་པ་ཟླ་བ་སམ་བྷོ་ཊ། །ལ་སོགས་འཕགས་བོད་མཁས་པའི་ཚོགས་སྤྱི་དང་། །ཁྱད་པར་དམ་ཆོས་འོ་མའི་རྒྱུན་བཟང་གིས། །མང་ཐོས་ལུང་གི་ལུས་སྟོབས་ཆེར་བསྐྱེད་ནས། །རྟོགས་པའི་བསམ་འཕེལ་ལག་རྩེར་སྨིན་མཛད་པའི། །དྲིན་ཅན་བླ་མའི་ཚོགས་ལ་གུས་བཏུད་ནས། །མིང་ཚིག་རིན་ཆེན་འབྱུང་གནས་སིནྡྷུའི་བདག། རིག་བྱེད་རྣམ་བཞི་སྨྲ་བའི་ཉེར་ལེན་རྒྱུ། །བསླབ་གསུམ་མྱུ་གུ་སྐྱེད་བྱེད་རྒྱ་མཚོའི་གོས། །གང་དེ་མདོར་བསྡུས་ཚིག་གིས་བཤད་པར་བྱ། །
Subscribe to:
Posts (Atom)